varalakshmi vratham, Varalakshmi vratham 2022 : వరలక్ష్మీ వ్రతం .. ఈ విషెస్, మెసేజెస్ పంపుకోండి – varalakshmi vratham 2022 send wishes messages and quotes in whatsapp facebook sharechat in telugu

Trends

Varalakshmi vratham 2022 : మన తెలుగు వారిలో ఉన్న గొప్ప లక్షణం ఏంటంటే… పండుగలు, ఆచారాల్ని మనం బాగా పాటిస్తాం. పవిత్రతకు పెద్ద పీట వేస్తాం. ఎన్ని పనులున్న పక్కన పెట్టి.. దేవతా మూర్తుల్ని నియమ నిష్టలతో పూజిస్తాం. మన అందరికీ చిన్నా చితకా కోరికలు ఉంటాయి. వాటిని దేవుళ్లకు చెప్పుకొని.. వారి ఆశీర్వచనాలు కోరుకుంటాం. కోరికలు నెరవేరగానే… తిరిగి మళ్లీ ఆలయాలకు వెళ్లి మొక్కులు తీర్చుకుంటాం. ఇవన్నీ మంచి సంప్రదాయాలు. సమాజానికి ఎంతో మేలు చేసేవి కూడా. తరతరాలుగా ఇలాంటి ఆచారాల్ని మన తెలుగు వారు పాటిస్తూ… ప్రపంచవ్యాప్తంగా అందరూ వీటిని పాటించేలా చేస్తున్నారు. విదేశాల్లో ఎంతో మందికి మన ఆచారాలంటే విపరీతమైన ఇష్టం. మన కట్టు, బొట్టు, పద్ధతులంటే విదేశీయులు ఎంతో ముచ్చటపడతారు. ఇక శ్రావణమాసం రాగానే… తెలుగువారంతా భక్తిశ్రద్ధలతో రోజూ పూజలు చేస్తారు. శుక్రవారం అదికూడా వరలక్ష్మీ వ్రతం చేసుకునే ఈ రోజైతే… తెలుగు లోగిళ్లలో దివ్య కాంతులు ప్రసరిస్తాయి. ఆ వరలక్ష్మీ అమ్మవారి కరుణ కటాక్షాలు మనపై చిరుజల్లులా కురుస్తాయి. అమ్మవారిని మనం ఎన్నో రూపాల్లో కొలుచుకుంటాం. ఎలా కొలిచినా ఆ తల్లి మనల్ని కరుణిస్తుంది. కన్నబిడ్డల్లా కాపాడుకుంటుంది. అమ్మవారి దయ అనంతం. ఆ ప్రేమ అపూర్వం. ఆ అమ్మే మనకు ఒక వరం.. అమ్మకు ఏమి ఇచ్చినా తక్కువే. ఇంత మంగళకరమైన రోజున మనం ఒకరికి ఒకరం శుభాకాంక్షలు చెప్పుకుంటే ఆ తృప్తే వారు. మరి ఇవాళ వాట్సాప్, ఫేస్ బుక్, షేర్ చాట్ వంటి సోషల్ మీడియా యాప్స్ ద్వారా విషెస్, మెసేజెస్ ని పంపుకుందాం.

Varalakshmi vratham Wishes :
ఈ శుభాకాంక్షలను మీ బంధువులు, స్నేహితులు, చుట్టుపక్కల వారికి పంపుకోండి

మీకు మీ కుటుంబ సభ్యులందరికీ శ్రావణ వరలక్ష్మీ వ్రత శుభాకాంక్షలు

మహామాయారూపిణి, అష్త్టెశ్వర ప్రదాయిని వరలక్ష్మీ అమ్మవారి శ్రావణ శుక్రవారం వ్రతం శుభాకాంక్షలు

అందరికీ వరలక్ష్మీ వ్రతం శుభాకాంక్షలు. అందరూ ఆ తల్లి దీవెనలతో చల్లగా ఉండాలి

శ్రావణ శుక్రవారం ఆ వరలక్ష్మీ అమ్మవారు మీ ఇంట కొలువుదీరాలి. సిరుల వర్షం కురిపించాలి. అందరూ సుఖసంతోషాలతో వర్ధిల్లాలి. వరలక్ష్మీ వ్రతం శుభాకాంక్షలు

వరలక్ష్మీ దేవి కృప, కటాక్షాలు మీపై ఎప్పుడూ ఉండాలి. మీ ఇంట సకల సౌభాగ్యాలూ కలగాలి. అందరూ ఆనందంగా జీవించాలని కోరుకుంటూ వరలక్ష్మీ వ్రతం శుభాకాంక్షలు

హ్యాపీ వరలక్ష్మీ వ్రతం విషెస్. ఆ తల్లి కరుణాకటాక్షాలు మీపై ఎప్పుడూ ఉండాలి.

అష్ట సంపదల్ని అందించే జగన్మంగళదాయిని, అష్టలక్ష్మి రూప వరలక్ష్మీ దేవి అమ్మవారి వ్రత శుభాకాంక్షలు. ఆ దేవి చల్లని చూపులు మీపై ప్రసరించాలి.

కోరిన కోరికలు తీర్చే కొంగు బంగారం, భక్తితో పూజించేవారికి వరాల జల్లు కురిపించే వరలక్ష్మీ అమ్మవారి వ్రతం శుభాకాంక్షలు.

శ్రావణ శుక్రవారం భక్తిశ్రద్ధలతో జరుపుకునే వరలక్ష్మీ వ్రతం శుభాకాంక్షలు. అమ్మవారు మీకు అష్టైశ్వర్యాలు కలిగించాలని కోరుకుంటూ విషెస్ తెలియజేస్తున్నాం.

Varalakshmi vratham Messages :
ఈ మెసేజెస్ ని మీ బంధువులు, స్నేహితులు, చుట్టుపక్కల వారికి పంపుకోండి

లక్ష్మీం క్షీరసముద్రరాజతనయాం
శ్రీ రంగథామేశ్వరీం
దాసీభూత సమస్తదేవ వనితాం
లోకైక దీపాంకురాం
శ్రీమన్మంద కటాక్ష లబ్ధ విభవః
బ్రహ్మేంద్ర గంగాధరాం
త్వాం త్రిలోక్య కుటుంబినీం సరసిజాం
వందేముకుందప్రియాం

హిందువుల ఆచారమైన శ్రావణ శుక్రవార వరలక్ష్మీ వ్రతం అందరికీ వారాల జల్లు కురిపించాలి. అందరూ సుఖశాంతులతో వర్ధిల్లాలి

శ్రావణ శుక్రవారం వరలక్ష్మీ అమ్మవారిని పూజిస్తే అష్టలక్ష్మీ అమ్మవారిని పూజించినట్లే. అందరికీ అష్టైశ్వర్య సిద్ధి కలగాలి

అందరి కోరికలూ తీరాలి. వరలక్ష్మీ అమ్మవారి చల్లని చూపులు అందరిపైనా ప్రసరించాలి. తెలుగు లోగిళ్లలో సిరినవ్వుల జల్లు కురవాలి. వరలక్ష్మీ వ్రతం వరాలు కురిపించాలి.

నమస్తేస్తు మహామాయే శ్రీ పీఠే సుర పూజితే
శంఖచక్ర గదా హస్తే మహాలక్ష్మీ నమోస్తుతే

అష్త్టెశ్వరాల్నీ ఇచ్చే అష్టలక్ష్మి రూపమైన వరలక్ష్మీ దేవి.. కొంగుబంగారమై వరాలను ఇవ్వాలి. వరలక్ష్మీ వ్రతం అందరికీ శుభవార్తలు అందించాలి.

వరలక్ష్మీ వ్రత పుణ్యదినాన మీ కష్టాలు తొలగిపోవాలి. మీ ఇల్లు సిరిసంపదలతో తులతూగాలి. శ్రావణ మాసం మీకు సుఖ సంతోషాలు తేవాలి

https://telugu.samayam.com/viral-adda/trending/varalakshmi-vratham-2022-send-wishes-messages-and-quotes-in-whatsapp-facebook-sharechat-in-telugu/articleshow/93360812.cms