varalakshmi vratam festival, Varalakshmi Vratham 2022 వరలక్ష్మీ వ్రతం రోజున చేయాల్సిన, చేయకూడని పనులేంటో తెలుసా… – varalakshmi vratham 2022 do’s and don’t s in telugu

Trends

Varalakshmi Vratham 2022 తెలుగు పంచాంగం ప్రకారం, ప్రతి సంవత్సరం శ్రావణ మాసంలో రెండో శుక్రవారం అంటే పౌర్ణమికి ముందు వచ్చే శ్రావణ శుక్రవారం రోజున వరలక్ష్మీ వ్రతం జరుపుకుంటారు. వర అంటే వరాలిచ్చే లక్ష్మీ అని అర్థం. మనకు సిరి సంపదలను పెంచే దేవతను ఆరాధించే పండుగ కాబట్టి.. దీన్ని వరలక్ష్మీ వ్రతం అంటారు. ఈ వ్రతాన్ని ఎక్కువగా పెళ్లైన ఆడవారే చేస్తారు. పురాణాల ప్రకారం, ఈ పవిత్రమైన రోజున అష్టలక్ష్మీ దేవతలందరూ కలిసిన రూపమైన వరలక్ష్మీ దేవిని ప్రత్యేకంగా పూజిస్తారు. ఇలా శ్రావణ శుక్రవారం పర్వదినాన అమ్మవారిని ఆరాధించడం వల్ల కుటుంబం మొత్తానికి ఆరోగ్యం, శాంతి, విద్య, కీర్తి, ప్రతిష్టలెన్నో దక్కుతాయని భక్తులందరూ నమ్ముతారు. ఇదిలా ఉండగా.. వరలక్ష్మీ వ్రతాన్ని జరుపుకునే వారు కొన్ని పనులు తప్పకుండా చేయాలి.. పొరపాటున కూడా ఈ పనులు చేయకూడదు.. ఈ సందర్భంగా వరలక్ష్మీ వ్రతం రోజున ఏమి చేయాలి.. ఏమి చేయకూడదనే ఆసక్తికరమైన విషయాలను ఇప్పుడు తెలుసుకుందాం…

​ఉపవాసం ఉండాలి..

వరలక్ష్మీ దేవి వ్రతాన్ని సాక్షాత్తు పరమేశ్వరుని సతీమణి పార్వతీ దేవి కూడా ఆచరించిందని పురాణాల్లో పేర్కొనబడింది. తన కుటుంబ క్షేమం కోసం తను ఈ వ్రతాన్ని ఆచరించినట్లు శాస్త్రాల ద్వారా తెలుస్తోంది. అప్పటి నుంచి వివాహం అయిన మహిళలందరూ ఈ వ్రతం చేయడాన్ని ఆనవాయితీగా కొనసాగిస్తున్నారు. ఈ పవిత్రమైన రోజున వ్రతం చేసే వారు సూర్యోదయం కంటే ముందే నిద్ర లేవి. ఈ పర్వదినాన ఉతికిన, శుభ్రమైన దుస్తులను ధరించాలి. మరీ ముఖ్యంగా ఈరోజు తప్పనిసరిగా ఉపవాసం ఉండాలి.

Varalakshmi Vratham 2022 ఈసారి వరలక్ష్మీ వ్రతం ఎప్పుడొచ్చింది..? ఆగస్టు 5న లేదా 12వ తేదీనా.. పూజా విధానం.. శుభ ముహుర్తం ఎప్పుడంటే…

​అమ్మవారి విగ్రహాలంకరణ..

వరలక్ష్మీ వ్రతానికి ముందు అమ్మవారి విగ్రహాన్ని శుభ్రం చేసి, పువ్వులతో అలంకరించాలి. అనంతరం కలశ స్థాపన, గణపతి పూజ, కలశ పూజ, కంకణ పూజ చేయాలి. ఆ తర్వాత అష్టోత్తర శతనామావళి పఠించాలి. అనంతరం వ్రతం కథ చదవాలి. ఇలా చేయడం వల్ల సకల శుభాలు కలుగుతాయని చాలా మంది నమ్ముతారు.

​ఇలా చేయండి..

వరలక్ష్మీ వ్రతం చేసే వారు చాలా ప్రశాంతంగా ఉండాలి. ఎంతో భక్తి శ్రద్ధలతో అమ్మవారిని పూజించాలి. అసలే వరాలిచ్చే తల్లి కాబట్టి మీరు మనస్ఫూర్తిగా అమ్మవారిని ఆరాధిస్తే చాలు.. లక్ష్మీదేవి ఆశీస్సులు మీకు తప్పకుండా లభిస్తాయి. శ్రావణ శుక్రవారం వంటి పవిత్రమైన రోజున వ్రతం చేసినా లేదా ఈ వ్రతాన్ని ప్రత్యక్షంగా చేసినా.. ఈ వ్రతం కథను చదివినా ఎంతో పుణ్యఫలం దక్కుతుందని చాలా మంది నమ్ముతారు. ఈ పవిత్రమైన పండుగ సందర్భంగా కొందరు వారి సామర్థ్యం మేరకు అమ్మవారి రూపాన్ని అందంగా అలంకరించి ఘనంగా పూజలు చేస్తారు. అయితే అలా వీలు కాని వారు కేవలం కలశం పెట్టి పూజించినా అమ్మవారి అనుగ్రహం తప్పక లభిస్తుంది.

Varalakshmi Vratham 2022 వరలక్ష్మీ వ్రతానికి కావాల్సిన పూజా సామాగ్రి.. అమ్మవారిని ఎలా ఆరాధించాలో చూసెయ్యండి..

​ఈ పొరపాట్లు చేయొద్దు..

శ్రావణ శుక్రవారం రోజున వరలక్ష్మీ వ్రతం చేసే వారు అమ్మవారిని ఆరాధించేటప్పుడు చాలా ఏకాగ్రతతో ఉండాలి. ఈ పవిత్రమైన రోజున ఎట్టి పరిస్థితుల్లో కోపం తెచ్చుకోకూడదు. ఇతరులను తిట్టడం, తిట్టుకోవడం వంటివి చేయరాదు. చాలా ప్రశాంతంగా ఉండాలి. ఉపవాసం ఉండే వారు ఒక పూట పండ్లను లేదా పాలు మాత్రమే తీసుకోవాలి. ఇతర ఆహారాలను పొరపాటున తీసుకోకూడదు.

* ఈ రోజున సూర్యోదయం తర్వాత నిద్ర లేవకూడదు.

* ఈ పవిత్రమైన రోజున మాంసాహారానికి దూరంగా ఉండాలి.

గమనిక : ఇక్కడ అందించిన సమాచారం, మత విశ్వాసాలపై ఆధారపడి ఉన్నాయి. ఇవి కేవలం ఊహాల ఆధారంగా ఇవ్వబడింది. దీనికి సంబంధించి ఎలాంటి శాస్త్రీయ ఆధారాలు లేవు. ఈ సమాచారాన్ని మీరు పరిగణనలోకి తీసుకునేందుకు సంబంధిత నిపుణులను సంప్రదించి పూర్తి వివరాలను తెలుసుకోగలరు.

https://telugu.samayam.com/religion/hinduism/varalakshmi-vratham-2022-dos-and-dont-s-in-telugu/articleshow/93346290.cms