tnpsc group 2 hall ticket 2022: TNPSC குரூப் 2, 2A தேர்வுகளுக்கான ஹால் டிக்கெட் வெளியீடு; எப்படி டவுன்லோட் செய்வது? – tnpsc group 2 2a exam hall ticket 2022 released on tnpsc.gov.in check how to download

Trends

தமிழகத்தில் வரும் 21 ஆம் தேதி நடைபெற உள்ள குரூப் 2, 2A தேர்வுகளுக்கான ஹால் டிக்கெடை தமிழ்நாடு அரசுப் பணியாளர் தேர்வாணையம் (TNPSC) தனது அதிகாரப்பூர்வ இணையதளமான வெளியிடப்பட்டுள்ளது. தேர்வுகளுக்கு விண்ணப்பித்துள்ள தேர்வர்கள் தங்கள் OTR கணக்கு வாயிலாக ஹால் டிக்கெட்டை (tnpsc group 2 2a hall ticket) பதிவிறக்கம் செய்துகொள்ளலாம் என்று TNPSC தெரிவித்துள்ளது.

தமிழக அரசின் பல்வேறு துறைகளில் காலியாக உள்ள பதவிகளுக்கு தேவையான ஊழியர்களை தமிழ்நாடு அரசு பணியாளர் தேர்வாணையம் (Tamil Nadu Public Service Commission) தேர்வு மூலம் செலக்ட் செய்து வருகிறது. திறமையான ஊழியர்களை கண்டறிய பல்வேறு வகையான போட்டித்தேர்வுகள் மற்றும் நேர்காணல் ஆகியவற்றை TNPSC நடத்துகிறது. இந்நிலையில், தமிழ்நாட்டில் மே 21 ஆம் தேதி நடைபெற உள்ள ஒருங்கிணைந்த குடிமை பணி தேர்வுகள் தொகுதி இரண்டு மற்றும் 2A (Group 2/2A) தேர்வுக்கான அட்மிட் கார்டை தமிழ்நாடு அரசு பணியாளர் தேர்வாணையம் (tnpsc group 2 hall ticket 2022 date) வெளியிட்டுள்ளது.

அதன்படி, TNPSC குரூப் 2, 2A தேர்வுகளுக்கான ஹால் டிக்கெடை TNPSC-யின் அதிகாரப்பூர்வ இணையதளமான -யில் வெளியிட்டுள்ளது. தேர்வுக்கு விண்ணப்பித்துள்ள தேர்வர்கள் தங்கள் OTR கணக்கு வாயிலாக ஹால் டிக்கெட்டை பதிவிறக்கம் செய்துகொள்ளலாம் என்று TNPSC அறிவித்துள்ளது. இது குறித்து தேர்வாணையம் வெளியிட்டுள்ள அறிக்கையில் குறிப்பிட்டுள்ளதாவது., ” தமிழ்நாடு அரசுப்பணியாளர்‌ தேர்வாணையத்தின்‌ அறிவிக்கை எண்‌: 03/2022, நாள்‌ 23.02.2022-ன்‌ வாயிலாக நேரடி நியமனத்திற்கு அறிவிக்கை செய்யப்பட்ட ஒருங்கிணைந்த குடிமைப்‌ பணிகள்‌ தேர்வு – || (நேர்முகத்‌ தேர்வு பதவிகள்‌ மற்றும்‌ நேர்முகத்‌ தேர்வு அல்லாத பதவிகள்‌) (தொகுதி -|| மற்றும்‌ தொகுதி IIA) பதவிக்கான முதல்‌ நிலைத்‌ தேர்வு (கொள்குறிவலை) 21.05.2022 முற்பகலில்‌ மட்டும்‌ நடைபெற உள்ளது.

செய்திகளை உடனுக்குடன் படிக்க கூகுள் நியூஸ் ‘சமயம் தமிழ்’ பக்கத்தை பின் தொடருங்கள்….

தேர்வு எழுத அனுமதிக்கப்பட்ட (tnpsc group 2 hall ticket 2022) விண்ணப்பதாரர்களின்‌ தேர்வுக்கூட நுழைவு சீட்டுகள்‌ (Hall Ticket) தேர்வாணையத்தின்‌ இணையதளமான www.tnpsc.gov.in மற்றும் www.tnpscexams.in -ல் பதிவேற்றம்‌ செய்யப்பட்டுள்ளது. விண்ணப்பதாரர்கள்‌ தங்களுடைய ஒருமுறை பதிவேற்றம்‌ (OTR) மூலமாக மட்டுமே விண்ணப்ப எண்‌ மற்றும்‌ பிறந்த தேதியை உள்ளீடு செய்து தேர்வுக்கூட நுழைவு சீட்டினை (Hall Ticket) பதிவிறக்கம்‌ செய்ய முடியும்‌” என அதில் குறிப்பிடப்பட்டுள்ளது.

TNPSC குரூப் 2 & 2A ஹால் டிக்கெடை பதிவிறக்குவது எப்படி?

  • முதலில் தேர்வர்கள் TNPSC -யின் அதிகாரப்பூர்வ வலைத்தளமான tnpsc.gov.in அல்லது tnpscexams.in பார்வையிடவும்.
  • பின்னர் ‘ஹால் டிக்கெட் டவுன்லோட்’ பிரிவில் கிளிக் செய்யவும்.
  • இப்போது ஒரு புதிய பக்கம் திறக்கும்.
  • பின்னர், உங்கள் பிறந்த தேதி மற்றும் பதிவு என்னை உள்ளிட்டு உள்நுழையவும்.
  • இப்போது TNPSC குரூப் 2 & 2A தேர்வுக்கான ஹால் டிக்கெட் திரையில் காட்டப்படும்.

https://tamil.samayam.com/jobs/govt-jobs/tnpsc-group-2-2a-exam-hall-ticket-2022-released-on-tnpsc-gov-in-check-how-to-download/articleshow/91491202.cms